“Цагдаагийн алба хаагчдын өдөр”-ийг тэмдэглэв

Баянхонгор аймгийн цагдаагийн газраас Цагдаагийн байгууллагын 94 жилийн ой, “Цагдаагийн алба хаагчдын өдөр”-ийг аймгийн “Баганат талбай”-д тэмдэглэн өнгөрүүлсэн байна. Тус арга хэмжээний үеэр цагдаагийн газрын бие бүрэлдэхүүний ёслолын жагсаал алхаж, “Тусгай бүлэг”-ийн үзүүлэх тоглолт зэргийг ард иргэдэд сонирхуулсан байна.

Мөн алба хаагчид, тэдний гэр бүлийн гишүүдийн дунд “Үндэсний бөх”-ийн барилдаан, “Хөгжөөнт буухиа” зэрэг тэмцээнийг зохион байгуулж, идэвхи зүтгэл гарган ажилласан алба хаагчдад аймгийн Засаг дарга, ИТХ-ийн “Хүндэт жуух”, “Хүндэт талархал”, Цагдаагийн газрын шагналуудыг гардуулжээ.