Цагдаагийн алба хаагчид гэмт хэргээс урьдчилан сэргийлж ажиллана

Цагдаагийн бүтцийг өөрчилж 86 албан хаагчийн орон тоог шинээр бий болголоо. Өмнө нь цагдаагийн хэрэг бүртгэгчид гадуур эргүүл шалгалт хийдэггүй байсан. Харин өнөөдрөөс эхлэн тэд цагдаагийн зарим албан хаагчийн адил эргүүл хийн гэмт хэргээс урьдчилан сэргийлэх юм байна. Өөрөөр хэлбэл цагдаагийн байгууллага олон даргатай байхаас илүү хэргийн газар ажиллах хүчээ нэмэгдүүлэх бодлого барина гэж Цагдаагийн ерөнхий газрын Хэвлэл мэдээллийн төвийн дарга Цагдаагийн хурандаа Б.Баатархүү хэллээ.

Түүнчлэн цагдаагийн албан хаагч гарсан хэргийг бүртгэн авах бус урьдчилан сэргийлж ажиллах нь чухал гэдгийг үндэслэн дээрх шийдвэрийг гаргасан байна.