Цагдаагийн алба хаагчид хүүхэд баярлууллаа

Баянгол дүүрэг дэх Цагдаагийн нэгдүгээр хэлтсийн алба хаагчид хариуцсан нутаг дэвсгэрийнхээ айлын хүүхдүүдэд шинэ жилийн баярын бэлэг өглөө.

Баянгол дүүргийн 18 дугаар хорооны нэгэн айлд тус хэлтсийн өвлийн өвгөн, алиалагчийн хамт зочилж, 10 хүүхдэд бэлэг өгч, шинэ жилийн баярын мэнд хүргэсэн юм.

Алба хаагчид дотоод нөөц бололцоогоор санхүүгийн асуудлыг нь шийдэж, өөрсдөө өвлийн өвгөн алиалагчийн дүрд хувирч хүүхдүүдэд баяр, инээд бэлэглэлээ. Тэд мөн хэлтсийнхээ алба хаагчдын хүүхдүүдийг ч баяруулсан. Шинэ жилийн баяраар хүүхэд баярлуулах ажлыг тус цагдаагийн хэлтсийн алба хаагчид хоёр дахь жилдээ зохион байгуулж буй юм.