Цагдаагийн байгууллага бэлэн байдалд ажиллана

Шинэ жилийн баяр болох гэж байгаатай холбоотойгоор цагдаагийн нийт бие бүрэлдхүүн өнөөдрөөс эхлэн бэлэн байдалд шилжин ажиллахаар болжээ. Хоёр он солигдох баярын өдрүүдэд буюу 2014 оны арванхоёрдугаар сарын 31, 2015 оны нэгдүгээр сарын нэгний өдрүүдэд цагдаагийн байгууллага өндөржүүлсэн бэлэн байдалд нийт бүрэлдэхүүнээ дайчлан ажиллана. Энэ өдрүүдэд Сүхбаатарын талбай, Их тойруу, III, IV хороолол, Сансар худалдааны төвийн орчимд цагдаагийн хүчийг нэмэгдүүлэх бөгөөд ЦЕГ-ын хамт олон шинэ жилийн баяр тэмдэглэхгүйгээр иргэдийн амгалан тайван байдлыг хамгаалж ажиллах юм.