Цагдаагийн шаардлагыг эсэргүүцсэн иргэдийг мөрдөн шалгаж байна
цагдаагийн алба хаагчийн шаардлагыг биелүүлээгүй эсэргүүцэж танхайрсан хоёр ч үйлдлийг иргэд баримтжуулан өчигдөр сошиал орчинд байрлуулсан.
Мэдээллийн алба
Улсын хэмжээнд Гамшгаас хамгаалах бүх нийтийн бэлэн байдлын зэрэгт шилжсэн энэ цаг үед хамгаалалтын үүрэг гүйцэтгэж байсан цагдаагийн алба хаагчийн шаардлагыг биелүүлээгүй эсэргүүцэж танхайрсан хоёр ч үйлдлийг иргэд баримтжуулан өчигдөр сошиал орчинд байрлуулсан.
Тодруулбал, энэ сарын 18-нд буюу өчигдөр 17:00 цагийн орчимд Зайсангийн эцсийн автобусны буудлын орчимд 26 настай Ц гэгч залуу цагдаагийн алба хаагчийн тавьсан шаардлагыг биелүүлэлгүй эсэргүүцэж танхайрсан. Мөн өчигдөр Хан-Уул дүүрэгт “Кинг тауэр” хотхоны ойролцоо 41 настай О гэгч эмэгтэй бүх нийтийн бэлэн байдлын үед хамгаалалтын үүрэг гүйцэтгэж байсан цагдаагийн ахлах дэслэгчийн шаардлагыг эсэргүүцэж албаны дүрэмт хувцас руу нь нулимсан зөрчил гарсан.
Дээрх иргэдийг Хан-Уул дүүргийн цагдаагийн хэлтэс мөрдөн шалгаж байна.
