“Цагийн хүрдийн баатрууд-2021”-ийн эзэд тодорлоо
“Студи-600”-д болсон тус арга хэмжээ Монгол Улсын урлагийн гавьяат зүтгэлтэн, хөгжмийн зохиолч Т.Сэр-Одын “Алтан цамхаг” аялгууг Монгол Улсын Төрийн соёрхолт, ардын жүжигчин Ц.Намсрайжавын нэрэмжит Улсын Филармонийн Симфони найрал хөгжимчид тоглосноор эхэлсэн юм.
Мэдээллийн алба
МҮОНРТ-ийн “Цагийн хүрд” мэдээллийн хөтөлбөр үхэр жилийн “Цагийн хүрдийн баатрууд-2021”-аа шалгарууллаа.
Энэхүү уламжлалт арга хэмжээнд өнгөрөгч онд олон сайхан үйлийг бүтээсэн эрхэм нэрээ мөнхөлж, “баатар” болдог заншилтай.
“Студи-600”-д болсон тус арга хэмжээ Монгол Улсын урлагийн гавьяат зүтгэлтэн, хөгжмийн зохиолч Т.Сэр-Одын “Алтан цамхаг” аялгууг Монгол Улсын Төрийн соёрхолт, ардын жүжигчин Ц.Намсрайжавын нэрэмжит Улсын Филармонийн Симфони найрал хөгжимчид тоглосноор эхэлсэн юм.
“Цагийн хүрдийн баатрууд-2021”-ийн шагналтнуудыг дараах байдлаар танилцуулъя.
Энэрэнгүй үйлстэн: ХӨСҮТ-ийн захирал Т.Билэгтсайхан ахлагчтай хамт олон.
Баатарлаг үйлстэн: ОБЕГ-ын үндэсний аврах бригадын эрэн хайх аврах салбарын аврагч Б.Батчулуун.
Нийгмийн хариуцлагатай компани: Уулын баяжуулах Эрдэнэт ТӨҮГ.
Шилдэг татвар төлөгч: “Люмино” хамтлагийн дуучин Б.Батхишиг.
Байгальд ээлтэй хүн: Монгол Улсын хөдөлмөрийн баатар Д.Бараадууз.
Байгальд ээлтэй үйлдвэрлэлийг хөгжүүлэгч: “Монгол Базальт” ХК-ийг үүсгэн байгуулагч, ТУЗ-ийн дарга Л.Ариунболд
Оюунлаг хүн: Хэл шинжлэлийн ухааны доктор, АНУ-ын Конгрессын номын сангийн Ази, Ойрхи Дорнодын хэлтсийн номын санч, Монгол номын мэргэжилтэн, М.Саруул-Эрдэнэ.
Шинжлэх ухааны нээлт: ШУА-ийн Биологийн хүрээлэнгийн захирал, доктор Д.Гантулга “Эсрэг биетийн оношлуур” бүтээлээрээ.
Үлгэр жишээ гэр бүл: “Хөдөөний айл” ТББ-ын тэргүүн Ч.Ерөөлтүвшин, түүний гэргий, шим судлаач С.Буянтогтох нар.
Хөрөнгийн зах зээлийг хөгжүүлэгч: “Мандал даатгал” ХК.
Үндэсний үйлдвэрлэлийг түүчээлэгч: “GiMEX” ХХК-ийн захирал Ж.Ганхуяг.
