Цахилгаан халаалт хэрэглэдэг айлуудын тарифыг 90 хүртэл хувиар хөнгөлнө

Агаарын бохирдлыг бууруулах үндэсний хорооноос цахилгаан халаалт хэрэглэдэг айл өрхийн тарифыг 90 хүртэл хувиар хөнгөлөх саналтай байна.

2011 оноос эхлэн агаарын бохирдлыг бууруулахын тулд цахилгаан халаалт хэрэглэдэг айл өрхөд үнийн урамшуулал олгож эхэлсэн. Тухайлбал, гэр хорооллын айл өрхийн шөнийн тарифын мөрдөх цагийн хуваарийг уртасгасан. Мөн дан цахилгаан халаагуур хэрэглэдэг айл өрхийн шөнийн цагаар хэрэглэсэн цахилгаанын үнэнд 50 хувийн хөнгөлөлт үзүүлэх журам хэрэгжиж байна. Цаашид энэ хөнгөлөлтийн хэмжээг нэмэгдүүлэхээр төлөвлөсөн гэж Агаарын бохирдлыг бууруулах үндэсний хорооны нарийн бичгийн дарга Ж.Эрдэнэцогт хэллээ.