Цахилгаанчны дүр эсгэж гэрт нь нэвтэрчээ

ОХУ-д Голландын элчин сайдын орлогчийн албыг хашдаг 66 настай Онно Элдеренбосийг гэрт нь зодсон хэрэг гарчээ. Гэмт этгээдүүд элчингийн гэрт цахилгаанчны дүр эсгэж нэвтэрсэн байна.

Тэд толин дээр нь уруулын будгаар “ЛГБТ” гэж бичин зүрх зурж үлдээжээ. “ЛГБТ” нь лесби, гей, бисексуал хүмүүсийн холбоог илэрхийлдэг товчлол юм. Цагдаагийн байгууллага хэргийг мөрдөн шалгаж байгаа бөгөөд одоогоор ямар нэгэн мэдэгдэл хийгээгүй байна.