Цахилгааны утас ил задгай байгаагаас хүүхэд хамгийн ихээр гэмтэж бэртдэг

"Цагийн хүрд" мэдээллийн хөтөлбөр: Гэр хорооллын айл өрхийн 50-60 хувь нь тог, цахилгааны аюултай байдалд амьдарч байна. Сургууль, цэцэрлэгийн үйл ажиллагааг зогсоосон эдгээр өдрүүдэд хүүхдээ гэртээ харгалзах хүнгүйгээр үлдээх, ил задгай олон салаа цахилгааны утастай аюултай нөхцөлд хүүхдүүд цагаа өнгөрүүлж байна. Яг ийм шалтгаанаас болж түлэгдэх, бэртэх, гал гарах өндөр эрсдэл үүсдэг. Мөн галлагааны аюулгүй байдал хангахгүй, үнсээ ил задгай хашаан дотроо асгаж байна. Энэ нь гал гарах шалтгааны нэг гэдгийг албаныхан хэлж байна. /2020.02.13/