Цахим наадмыг гурван тэрбум төгрөгөөр зохион байгуулна

"Цагийн хүрд" мэдээллийн хөтөлбөр: Энэ жил монголчууд цахимаар наадах болно. Цар тахлын нөхцөл байдлаас хамаарч ийнхүү хоёр дахь удаагаа уламжлалт баяраа иргэд гэртээ тэмдэглэх юм. Иргэд Төв цэнгэлэх хүрээлэн, Хүй долоон худаг орохгүй ч уламжлалт ёслол, хурдан морины уралдаан, бөхийн барилдаан, сурын харваагаа телевизээр үзнэ. Энэ жилийн цахим наадмыг зохион байгуулахад гурван тэрбум төгрөгийг зарцуулахаар төлөвлөсөн байна.