Цахим ном худалдаанд гарлаа

Монгол инженерүүдийн ур ухаан, авъяас чадвараар бүтсэн цахим ном хэрэглэгчдэд хүрлээ. "Ви-Эс-Эм” компанийхан гар утас, таблет дээр ном уншихаас гадна бүх төрлийн ухаалаг төхөөрөмжүүд дээр сонирхсон номоо худалдан авч сонсох боломжийг бүрдүүлжээ. Аудио буюу сонсдог номын хувилбар өнгөрсөн долоо хоногоос эхлэн худалдаанд гарчээ. Тус компанийн системүүд нь орон зай цаг хугацаанаас үл хамааран ашиглах боломжтойгоос гадна овор хэмжээнээс эхлээд олон давуу талтай, байгаль дэлхийд хор нөлөөгүй эко бүтээл хэмээн зохион бүтээгчид нь мэдэгдсэн юм. Материаллаг зардал гардаггүй тул үнийн хувьд хэвлэмэл ном болон CD-нээс хямд өртөгтэй аж.