Цар тахлын үеийн Япон улсын туршлага судлах цахим уулзалт, сургалт боллоо

Дэлхийн эрүүл мэндийн байгууллагын Номхон далайн баруун бүсээс “Монгол Улсад эрүүл мэндийн тусламж үйлчилгээний замыг бэхжүүлэх” сургалт уулзалтыг цахимаар амжилттай зохион байгууллаа. Уулзалтаар Япон улсын Өвчний хяналт сэргийлэлтийн төвийн мэргэжилтэнүүд “КОВИД-19” цар тахлын үед эмнэлгийн тусламжийн зураглал, клиникийн менежмэнтийн чиглэлээр хэрхэн яаралтай тусламж үйлчилгээ үзүүлж хариу арга хэмжээ авч ажилласан туршлагаасаа хуваалцлаа.

Монгол Улсад эрүүл мэндийн тусламж үйлчилгээ хэвийн явагдаж, нас баралт, хүндрэл багатай байгаа хэдий ч, сүүлийн долоо хоногуудад Улаанбаатар хотод коронавируст халдварын тохиолдлын тоо эрс нэмэгдэж, аймгуудад халдвар зөөвөрлөгдөн бүртгэгдэж байгаа эгзэгтэй энэ цаг үед энэхүү уулзалт болж байгаа нь цагаа олсон уулзалт болж байгааг оролцогчид хэлж байлаа.

Уулзалтад ЭМЯ-ны газрын дарга Б.Буянтогтох, Эрүүл мэндийн дэд сайд, доктор М.Баттүвшин, Эрүүл мэндийн сайдын зөвлөх А.Амбасэлмаа, ХӨСҮТ-ийн Ерөнхий захирал Л.Баттөр, Нийслэлийн эрүүл мэндийн газрын дарга, Сэтгэцийн эрүүл мэндийн газрын дарга нар оролцлоо.

Эх сурвалж: ХӨСҮТ