Цас хайлуулах бодис хангалттай нөөцөлсөн

Нийтийн үйлчилгээний “Улаанбаатар нэгтгэл”-ийн Баруун, Зүүн бүсийн ажилчид Энх тайваны өргөн чөлөө, Их тойруу, Бага тойруу, Нарны зам, Нарны гүүр, Энхтайваны гүүр чиглэлд таван портер, гурван камаз машинаар шөнийн 00 цагаас эхлэн, 22 тонн давс, 03-05 цагийн хооронд Баянзүрхийн товчоо руу нэг портер 1,5 тонн давс цацаад байна. Мөн зам талбайн 60 үйлчлэгч гурван хэсэгт хуваагдан 05.30 цагаас эхлэн цас цэвэрлэж байгаа бөгөөд 22-ын товчоо, Морингийн даваа, Айдсын даваа, Эмээлт, Баруун туруун чиглэлд хоёр камаз, таван хүний бүрэлдэхүүнтэй бригад ажилдаа гараад байна. Энө өвөл олон жилийн дунджаас их цастай гэсэн цаг агаарын урьдчилсан төлөв байгаа ч цас хайлуулах бодис хангалттай нөөцөлсөн гэдгийг албаныхан хэлсэн талаар Нийтийн үйлчилгээний Улаанбаатар нэгтгэлээс мэдээллээ.