Цасан болон шороон шуурга шуурч хүйтэрнэ

Хэдийгээр өнгөрсөн өдрүүдэд хаврын урь орж дулаарч байгаа ч ойрын өдрүүдэд хүйтрэх тухай Онцгой байдлын ерөнхий газраас сэрэмжлүүлж байна. Учир нь маргааш ихэнх нутгаар, 26-ны өдөр нутгийн зүүн хагаст цас, 27-ны өдөр баруун болон төвийн нутгийн хойд хэсгээр, 28-ны өдөр төв болон зүүн зүгийн нутгийн хойд хэсгээр бага зэргийн цас орж, салхи 16-18 м/с хүрч цасан болон шороон шуурга шуурч хүйтрэх аж. Энэ өдрүүдэд хол газар явахгүй байх, хүүхдээ харгалзах хүнгүй малд явуулахгүй байхыг тус газраас онцгойлон анхааруулж байна.