Цасан болон шороон шуурга шуурч хүйтрэхийг анхааруулж байна

Өнөөдөр нутгийн хойд хэсгээр, 2-нд зарим газраар нойтон цас орж, цасан болон шороон шуурга шуурч хүйтрэхийг анхааруулж байна.

Ихэнх нутгаар үүлшинэ. Төвийн нутгийн зарим, зүүн зүгийн нутгийн хойд хэсгээр хур тунадас орно. Бусад нутгаар хур тунадас орохгүй. Салхи баруун хойноос секундэд 5-10 метр, төвийн болон говь, талын нутгаар 12-14 метр хүрч ширүүснэ. Увс нуур болон Дархадын хотгор, Идэр, Тэс голын сав газраар хүйтэрч 1-5 хэм хүйтэн, Алтайн өвөр говь болон говийн бүс нутгийн өмнөд хэсгээр 14-19 хэм, бусад нутгаар 7-12 хэм дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун хойноос секундэд 7-12 метр, зөөлөн шороон шуурга шуурна. 8-10 хэм дулаан байна.

Өглөө 05 цагт Улаанбаатарт:2 хэм хүйтэн, харьцангуй чийг 44 хувь, агаарын даралт 866 гектопаскаль байлаа. Даралт өдөртөө тогтвортой байна.

2014 оны 4 дүгээр сарын 02-ноос 2014 оны 4 дүгээр сарын 06-ныг хүртэлх
цаг агаарын урьдчилсан төлөв

2-нд зарим газраар хур тунадас, нойтон цас орно. Бусад хугацаанд хур тунадас орохгүй. Салхи 2-нд ихэнх нутгаар, 3-нд зүүн зүгийн нутгаар секундэд 12-14 метр хүрч цасан болон шороон шуурга шуурна. 2-нд нутгийн зүүн хагаст хүйтэрч Увс нуурын болон Дархадын хотгор, Хүрэн бэлчир, Идэр, Тэс, Буянт голын сав газраар шөнөдөө 18-23 хэм, өдөртөө 3-8 хэм хүйтэн, говийн бүс нутгийн өмнөд хэсгээр шөнөдөө 1-6 хэм хүйтэн, өдөртөө 7-12 хэм дулаан, бусад нутгаар шөнөдөө 6-11 хэм хүйтэн, өдөртөө 2-7 хэм дулаан байна. Цаашдаа дулаарна.