Цасанд суусан автомашинуудыг татан гаргаж, иргэдийн аюулгүй байдлыг хангажээ

Говь-Алтай аймгийн төвөөс урд зүгт 135 км-т Цогт сумын төвөөс зүүн зүгт 45 км-т Баян-Өндөр баг "Дөтийн даваа" гэдэг газар Цогт сумаас Улаанбаатар хотын чиглэлд зорчиж явсан 2 зүтгүүр автомашин цасанд суусан тухай дуудлагыг 01 дүгээр сарын 23-ны өдрийн 10:30 цагт Онцгой байдлын газарт өгчээ.

Тодруулбал, тус аймгийн Онцгой байдлын Цогт сум дахь Эрэн хайх, аврах бүлгийн алба хаагчдыг очиход “Beiben-ND42506”, "Beiben North Benz-ND4257" загварын автомашин 2 зорчигчтой цасанд суусан байсныг 4 цаг ажиллан татан гаргаж, хүлээлгэн өгчээ.