Цементний үнэ буурна

Өнгөрсөн амралтын өдрүүдэд Барилга, хот байгуулалтын яамны Төрийн нарийн бичгийн дарга Р.Эрдэнэбүрэн албаны хүмүүсийн хамтаар БНХАУ-ын Эрээн хотод ажиллаж, цементний нийлүүлэлтийг нэмэгдүүлэх талаар холбогдох хүмүүстэй уулзсан билээ.

Тэгвэл Эрээнээс 120 гаруй вагон цемент иржээ. Энэ зуны хувьд өдөрт 60-80 вагон цемент урд хөршөөс ирж байсан бөгөөд цементийн үнийн тухайд есдүгээр сарын 15-наас өмнө нэг тонныг нь 135 мянгаас 145 мянган төгрөгөөр борлуулж байсан бол есдүгээр сарын 15-наас хойш тонн нь 200 мянган төгрөгт хүрээд байв.

Албаныхан цементний нийлүүлэлтийг ихэсгэснээр үнийг тодорхой түвшинд барьж чадна хэмээн дүгнэж байгаа юм.