Цэргийн албыг дүйцүүлэн хаах төлбөрийн хэмжээг тогтооно

Засгийн газрын өнөөдрийн ээлжит хуралдаанаар Гадаад харилцааны сайдын Австрали улсад хийсэн айлчлалын тухай, Цагдаагийн байгууллагын хөгжлийн хөтөлбөр батлах тухай, Тогтоолд өөрчлөлт оруулах тухай /Дээд боловсролын санхүүжилт суралцагчдын нийгмийн баталгааны хуулийг хэрэгжүүлэхээр гаргасан Засгийн газрын тогтоолд өөрчлөлт оруулах, тэргүүлэх мэргэжлийн хөтөлбөр батлах тухай/ хэлэлцэнэ.

Мөн “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагын баримт бичиг”-ийг хэрэгжүүлэх арга хэмжээний төлөвлөгөө батлах, цэргийн албыг дүйцүүлэн хаах иргэдийн тооны дээд хязгаар, мөнгөн төлбөрийн хэмжээ тогтоох тухай асуудлыг хэлэлцэх юм.