Цэцэрлэгт бүргүүлэхдээ шин­жилгээний бичиг авч очих шаардлагагүй болжээ

Цэцэрлэгийн бүртгэлийг энэ сарын 19-28-нд явуулах шийдвэрийг БШУЯ-наас гар­гасан талаар бид мэдээлсэн. Энэ шийдвэрийн хүрээнд Нийслэлийн боловс­ро­лын газ­рын даргын тушаа­­­лаар хамран сургах тойргийг тогтоосон бөгөөд энэ нь цэцэрлэггүй хороодын хүүхдүүд ойролцоох цэцэрлэгтээ л явах боломжтой гэсэн үг юм. Одоогоор нийслэлд цэцэрлэгийн насны 99 мянган хүүхэд байгаа гэх бөгөөд үйл ажиллагаа явуулж байгаа хувийн хэвшлийн цэцэрлэгүүдийг оруулаад нийслэлийн хэмжээнд нийт 400-гаад цэцэрлэг ажиллана. Хамрах хүрээний бүсэд хүүхдийг бүртгэх ажиллагааг шударга явуулах зорилгоор цэцэрлэг тус бүрт эцэг, эхийн төлөөлөл, хорооны ажилт­ны төлөөлөл багтсан тусгай комисс ажиллах юм. Цэцэрлэгүүд энэ жилээс эхлээд шинээр элсэж буй хүүхдүүдээ заавал хамран сургах тойргоосоо авна. Бүртгүүлэх хүүхдүүд шин­жилгээний бичиг авч очих шаардлагагүй. Цэцэр­лэгүүдэд өрхийн эмнэлгүүдэд байдаг хүүх­дийн эрүүл мэндийн ерөнхий мэдээллийг өгөх ажээ.