Цэцийн хуралдаан хойшиллоо

Өнөөдөр хуралдах байсан Үндсэн хуулийн цэцийн дунд суудлын нээлттэй хуралдаан хойшлогдлоо.

Хуралдаанаар иргэн О.Баясгалангийн мэдээллийн дагуу Шүүхийн иргэдийн төлөөлөгчийн эрх зүйн байдлын тухай хуулийн зарим заалт Үндсэн хууль зөрчсөн эсэх тухай маргааныг урьдчилан шалгаж улмаар уг асуудлыг хуралдаанд танилцуулах байсан юм. Харин уг танилцуулгыг илтгэх Үндсэн хуулийн цэцийн гишүүн хүндэтгэн үзэх шалтгаанаар хүрэлцэн ирээгүй тул хуралдааныг хойшлуулсан байна.

Дээрх маргааныг хянан шийдвэрлэх хуралдааны товыг жич зарлана гэж Үндсэн хуулийн цэцийн хэвлэл, мэдээллийн төлөөлөгч мэдээлэв.