Цусаа хандивлах өдөрлөг болно

Энэ сарын 23-ны өглөө 08.00 цагаас Нийслэлд цусаа хандивлах үндэсний өдөрлөг болно. Тус өдөрлөгийг "Цус сэлбэлт судлалын үндэсний төв", “Сайн үйлс дэлгэрүүлэгч залуус” төрийн бус байгууллага хамтран зохион байгуулж байгаа аж.

Хэрэв 17-60 настай, 45-аас дээш кг жинтэй, ямар нэгэн өвчин эмгэггүй бол энэхүү өдөрлөгт оролцож, цусаа хандивлаж боломжтой. Нэг удаа 350-400 грамм цус өгөхөд 24 цагийн дотор нөхөгдөж, 21 хоногийн дотор эсийн төвшинд бүрэн төлждөг байна.