Түймэрт шатсан мод сэргэхэд 100-120 жил шаардлагатай

Сүүлийн жилүүдэд манай орны ой мод түймэр, хортон шавьжийн улмаас сүйдэх нь ихэссээр байна. Тухайлбал, 1996 онд 7 сая га талбай түймэрт шатсан мэдээ байгаа юм. Энэ мэтчилэн жилээс жилд байгаль цаг уурын өөрчлөлт, хуурайшилтын улмаас олон сая га талбай түймэрт сүйдсээр байгаа юм. Тиймээс ойн түймэрт шатсан талбайн сэргэн ургалт ямар байгааг мэргэжилтнүүд судалсан байна. ШУА-ийн Ой судлалын лабораторийн эрхлэгч, академич н.Доржсүрэн “1980-аад оноос хойш манай улс нийт 34 сая шоо метр талбайг огтолсон байна. Огтолсон талбайн сэргэн ургалт 100-120 жил шаарддаг” хэмээн ярилаа.