Төлөвлөгөөт болон урьдчилан сэргийлэх хяналт шалгалт хийж байна

Монгол Улсын Засгийн газрын “Хяналт шалгалтын төлөвлөгөө батлах тухай” 2023 оны 420 дугаар тогтоол, Байгаль орчин, аялал жуулчлалын яамны Салбарын хяналтын газраас баталсан төлөвлөгөөт болон урьдчилан сэргийлэх 9 удирдамжийн хүрээнд хяналт шалгалт хийж байна.

Нийслэлийн 9 дүүргийн нутаг дэвсгэрт 2024 оны дөрөвдүгээр сарын 1-ний өдрөөс 2024 оны тавдугаар сарын 1-ний өдрийн хооронд БОАЖЯ-тай хамтран хүнсний үйлдвэрүүд, авто угаалга, ус рашааны үйлдвэрүүд, рашаан ашиглагч сувиллын газар, архи, пиво, ус, ундааны үйлдвэрлэлийн чиглэлээр үйл ажиллагаа эрхэлж буй иргэн, аж ахуйн нэгжүүд хяналт шалгалтад хамрагдаж байгаа юм гэж Нийслэлийн Байгаль орчны газраас мэдээллээ.