Төмөр замын бодлогын талаарх хуулийг хэлэлцэхийг дэмжжээ
Чуулганаар төмөр замын тээврийн бодлогыг хэлэлцэхийг дэмжиж анхны хэлэлцүүлэгт бэлтгүүлэхээр холбогдох байнгын хороонд шилжүүлсэн байна.
Мэдээллийн алба
Өнөөдөр үдээс өмнө УИХ-ын нэгдсэн чуулган хаалттай горимоор хуралдаж Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай УИХ-ын тогтоолын төслийг цааш хэлэлцэх эсэх асуудлыг хэлэлцсэн.
Чуулганаар төмөр замын тээврийн бодлогыг хэлэлцэхийг дэмжиж анхны хэлэлцүүлэгт бэлтгүүлэхээр холбогдох байнгын хороонд шилжүүлсэн байна.
Байнгын хорооноос гадна УИХ дахь намын бүлгүүд уг асуудлаар хуралдаж саналаа нэгтгэх юм. Үүний дараа чуулганы үдээс хойших хуралдаанаар төмөр замын асуудлаарх хуулийн төслийн анхны хэлэлцүүлгийг хийнэ. Түүнчлэн үдээс хойших хуралдаанаар Ерөнхий сайдын өнөө өглөө өргөн барьсан Засгий газрын бүтцийн асуудлыг хэлэлцэх юм. Ерөнхий сайдын өргөн барьсан хуулийн төсөлд 16 яамыг 13 болгох талаар дурдсан байгаа юм.
