“Төр хувийн хэвшлийн түншлэл – 2015” өдөрлөг болов

Мэдээллийн технологи, шуудан, харилцаа холбооны газраас жил бүр нээлттэй хаалганы өдөрлөгийг уламжлал болгон зохион байгуулдаг. Энэ жил “Төр хувийн хэвшлийн түншлэл -2015” сэдвээр Төрийн ордны Их танхимд өчигдөр амжилттай болж өндөрлөв. Мэдээлэл харилцаа холбооны салбарын төрийн болон хувийн хэвшлийнхэн өргөнөөр оролцсон бөгөөд МТШХХГ-ын дарга Ц.Жадамбаа үг хэлж өдөрлөгийг нээв.

Хөдөлгөөнт холбооны дараа үеийн технологи, чиг хандлага, Төр хувийн хэвшлийн хамтын ажиллагааг сайжруулах чиглэлээр хамтран ажиллах талаар илтгэлүүд тавигдлаа. Үүнд:

• Үүрэн холбооны оператар компаниудаас Скайтел ХХК-ий Бизнес хөгжүүлэлтийн албаны захирал Ц. Пүрэвдорж

• "Хөдөөгийн холбооны талаар" - Жи-Мобайл ХХК-ий сүлжээ, техник төлөвлөлтийн хэлтсийн дарга Г.Оюунбаяр

• "IPTV, контент хөгжүүлэлт" - Юнител ХХК-ий Контент, хөгжил төлөвлөлтийн албаны захирал Г.Барс

• “Төр хувийн хэвшлийн түншлэл” - Мобиком порпораци ХХК-ий Технологийн газрын захирал Б.Тэмүүдэр

• "Програм хангамж хөгжүүлэлтийн чиг хандлагын талаар" - Програм хангамжийн чиглэлийн компаниудаас Интерактив ХХК-ий захирал Б.Ууганбаяр

• "Салбарын хүний нөөцийн хөгжил" - ШУТИС, МХТС-ийн захирал Б.Сүхбат

• "Төрийн нээлттэй өгөгдлийг Монгол Улсад хөгжүүлэх боломж" - МУИС-ийн ХШУИС-ийн багш Г.Амарсанаа

• "Шуудангийн үйлчилгээ эрхлэгчдийн өнөөгийн байдал, тулгамдаж буй асуудлууд" - Монголын шуудангийн холбооны гүйцэтгэх захирал Б.Золбадрал

• "Мэдээллийн сайтуудын зах зээлийн өнөөгийн байдал, тулгамдаж буй асуудлууд" - Датаком ХХК-ий ерөнхий захирал Г.Энхболд

• "Интернэт хаягийг Монгол хэлээр" - Мэдээллийн тэргүүлэх сайтуудын холбооны гүйцэтгэх захирал Г.Анархүү

• "Үйлчилгээ эрхлэгчдийн өнөөгийн байдал, тулгамдаж буй асуудлуудын талаар" - Шинэ долгион радио ФМ 107.5-ын захирал Ц.Ариунаа,

• "Үйлчилгээ эрхлэгчдийн өнөөгийн байдал, тулгамдаж буй асуудлууд" - Мэдээлэл холбооны дэд бүтэц, угсралтын ажил эрхлэгчдийн холбооны захирал Л.Мөнхбат

• "Өргөн нэвтрүүлгийн зохицуулалт - Монголын телевизүүдийн холбоо, ТВ-5 Телевизийн дэд захирал Э.Дагиймаа,

• "Салбарын зохицуулалтын асуудал, авч хэрэгжүүлэх арга хэмжээ" - Харилцаа холбооны зохицуулах хорооны дарга Б.Балгансүрэн нар тус тус илтгэл тавилаа.

Нээлттэй өдөрлөгийг хааж МТШХХГ-ын дарга Ц.Жадамбаа тус газраас 2015 онд авч хэрэгжүүлэх арга хэмжээний талаар танилцууллаа.