Түр замаар зорчино

Улсын төсвийн хөрөнгө оруулалтаар Дорнод аймгийн төвийн 5.5 км хатуу хучилттай авто замын ажил эхлээд 10 гаруй хонож байна. Одоогоор авто замын суурийн ажил хийгдэж байгаа бөгөөд хойд замыг хэсэгчлэн хааж, замын ажил явагдаж байна.

Долоодугаар сарын 4-ний өдрөөс эхлэн Уурхайн дөрвөн замын уулзвараас Шүр захын уулзвар хүртэлх замыг тодорхойгүй хугацаанд хааж, замын ажлыг үргэлжлүүлэх юм байна. Тиймээс замын хөдөлгөөнд оролцогчдыг түр замаар зорчихыг анхааруулж байна.