Түр зуурын усархаг бороо орж, 5 ханатай гэр урсчээ
Болзошгүй үер усны аюулаас сэрэмжтэй байхыг анхааруулж байна.
Мэдээллийн алба
Увс аймгийн Улаангом сумын 8 дугаар багийн “Бор үзүүр” гэдэг газар өчигдөр 18:00 цагт орсон түр зуурын усархаг бороо орсны улмаас гурван айлын гэр усанд автсан байна. Аймгийн Онцгой байдлын газрын 5 алба хаагч, Гал түймэр унтраах, аврах 41 дүгээр ангийн 7 алба хаагч, нийт 12 алба хаагч, 2 автомашинтай ажиллаж, тус сумын харьяат Н, Н, Д нарын 8 ханатай 3 гэр, 6 ханатай 1 гэрийг эд хогшлын хамт аюулгүй газарт нүүлгэн шилжүүлжээ.
Мөн Хөвсгөл аймгийн Рашаант сумын тавдугаар багийн “Ширгүү” гэдэг газар малчин Д-гийнх гэр бүлээрээ “Даншиг” наадам үзэхээр аймгийн төв рүү явсан үед долоодугаар сарын 25-ны өдрийн 13:00 цагт орсон түр зуурын усархаг борооны улмаас 5 ханатай гэр, эд хогшил нь үерийн усанд урссан тухай мэдээллийг тус сумын Засаг даргын Тамгын газрын дарга Б.Саранцэцэг аймгийн Онцгой байдлын газарт долоодугаар сарын 00:44 цагт мэдээлсэн байна.
Болзошгүй үер усны аюулаас сэрэмжтэй байхыг анхааруулж байна.
