Төрийн албан хаагчийн тангараг өргөжээ

Улсын Дээд шүүхийн Тамгын газрын зарим ажилтнуудын төрийн жинхэнэ албан хаагчийн тангараг өргөх ёслолын ажиллагаа өчигдөр болжээ. Тус шүүхийн шүүгчийн туслах-шинжээч Б.Дүүрэнжаргал, Г.Амартүвшин, шүүх хуралдааны нарийн бичгийн дарга-мэргэжилтэн Б.Хүрэлтулга, Ёслол хүндэтгэл, гадаад зочны айлчлалын асуудал хариуцсан шинжээч Д.Тулга, Тамгын газрын даргын туслах-шинжээч М.Цэнгүүн нар эх орон ард түмнийхээ төлөө эрдэм чадлаа зориулан төрийн хууль, ёс зүйн хэм хэмжээг сахин ажиллахаа тангараглажээ.