Төрийн байгууллагууд мэдээлэл гаргаж өгөхгүй байх явдал байсаар байна

Төрийн мэдээлэл ил, тод юм шиг хирнээ энэ мэдээллийг хурдан шуурхай гаргаж өгдөг дагнасан мэргэжилтэн алга. Төр энэ асуудлаа шийдэхгүй бол даргын үзэмжээр асуудал шийдэгдэх хандлагатай байгаа нь судалгааны явцад харагдлаа. Тухайн байгууллагын удирдлагын заавраар мэдээлэл гаргаж өгөхгүй байх, зориудаар гацаах явдал байсаар байна гэж Глоб интернешнл төрийн бус байгууллагын судлаач Д.Аюуш онцоллоо.

Хувь хүн болоод байгууллага ямар ч зорилгоор мэдээлэл авч болно. Гэхдээ заавал тухайн төрийн байгууллагын ажилтанд хэлэх ёсгүй, үүнийг хуулиар хамгаалсан байдаг. Гэтэл судалгаанд хамрагдсан 8 байгууллагын 6 нь “ямар зорилгоор” энэ мэдээллийг авах гэж байгааг нь асуужээ.