Төрийн байгууллагуудын үйл ажиллагаанд иргэд хяналт тавина

Сургууль, цэцэрлэг, эмнэлэг гэх мэт төрийн үйлчилгээний байгууллагын үйл ажиллагаанд салбарын яам, мэргэжлийн хяналт гээд төрийн байгууллага нь дүн тавих биш, харин түүгээр үйлчлүүлдэг иргэд дүн тавьдаг байх хэрэгтэй. Ингэснээр төрийн үйлчилгээний байгууллагын үйлчилгээний үнэн дүр төрх гарч ирнэ гэж судлаачид үзэж байна.

Тодруулбал, Ардчиллын боловсрол төв, Зүүн Ази Номхон далайн бүсийн нийгмийн хариуцлагын нэгдсэн сүлжээтэй хамтран “Ерөнхий боловсролын сургуулиудын ил тод байдал, хүртээмжийг үнэлэх” төслийг хэрэгжүүлэхээр болжээ.

Уг төсөл хэрэгжсэнээр ерөнхий боловсролын сургуулийн ил тод байдал, сургалтын чанар, хүртээмжинд сурагч, эцэг, эхчүүд үнэлгээ өгөх юм. Энэ тухай Ардчиллын боловсрол төвийн захирал Г.Ундралаас манай сурвалжлагч тодрууллаа.