Төрийн далбааны өдрийг тэмдэглэлээ

"Монгол Улсын Төрийн далбааны өдөр"-т зориулсан цэргийн ёслолын жагсаал өнөөдөр Чингисийн талбайд ёслол төгөлдөр болж өнгөрлөө. Энэхүү цэргийн ёслолын жагсаал долоо дахь жилдээ болж байгаа бөгөөд УИХ-ын дарга З.Энхболд, Ерөнхий сайд Ч.Сайханбилэг болон УИХ-ын гишүүд, Засгийн газрын гишүүд, манай улсад суугаа Элчин сайдууд, БХЯ, ЗХЖШ-ын удирдлага, алба хаагчид, ахмад дайчид, ард иргэд үзэж сонирхсон юм.