“Төрийн мэдээлэл” эмхэтгэлийн шинэ дугаар хэвлэгдэн гарлаа

“Төрийн мэдээлэл” эмхэтгэлийн шинэ дугаар өнөөдөр хэвлэгдэн гарлаа. Өнөөдрийн дугаарт Элчин сайдыг эгүүлэн татах, тохоон томилох тухай Монгол Улсын Ерөнхийлөгчийн зарлигийг нийтэллээ.

Мөн Албан тушаалтнуудын 2013 оны хөрөнгө, орлогын мэдүүлгийн хураангуйг бүрэн эхээр нь нийтлэв. Авлигын эсрэг хуульд, Монгол Улсын Ерөнхийлөгч, Улсын Их Хурлын дарга, дэд дарга, гишүүн, Ерөнхий сайд, Засгийн газрын гишүүн, Монгол Улсын сайд, дэд сайд зэрэг албан тушаалтны хөрөнгө, орлогын мэдүүлгийг тухайн оны 2-р улиралд багтааж “Төрийн мэдээлэл” эмхэтгэлд хэвлэн нийтлэхээр заасан билээ. Үүний дагуу нийт 239 албан тушаалтан 2013 оны хөрөнгө орлогын мэдүүлгээ гаргасан байна.