Төрийн соёрхолт Ц.Бавуудоржийн “Хулан” найраглалын ном хэвлэгджээ

Монгол Улсын төрийн соёрхолт, яруу найрагч Ц.Бавуудоржийн “Хулан” нэртэй том хэмжээний найраглалын ном уншигчдын гар дээр дэлгэгдлээ.

Тэрбээр “Агай”, “Дадишуари”, “Өндөр гэгээн” зэрэг бэсрэг найраглал олныг бичсэн бөгөөд том хэмжээний найраглалын төрлөөр “Очирваань”, “Хүннү туульс” зэргийг хэвлүүлсэн билээ.

Ц.Бавуудорж үндэснийхээ яруу найргийн найраглалын төрөл жанрыг хөгжүүлэхэд хувь нэмэр оруулахыг зорьж буйгаа ч хэлсэн юм.

Тун удахгүй бас нэгэн том хэмжээний найраглалын бүтээл нь хэвлэгдэх юм байна.