Төрийн тусгай албан хаагчийн эмнэлгийг хүүхдийн эмнэлэг болгох санал гаргав

Хууль зүйн сайдыг шинээр томилохтой зэрэгцэн хуучнаар Төрийн тусгай албан хаагчийн эмнэлгийн барилгыг зориулалтын дагуу ашиглах асуудал УИХ-д яригдах болсон. Тэгвэл УИХ-ын гишүүн О.Баасанхүү Хууль зүйн яамны харьяа тус эмнэлгийн барилгыг прокурорын ажилчдын оффисын барилга болгох шийдвэрийг анхнаасаа эсэргүүцэж байсан. Үүнийгээ илэрхийлж УИХ-аас тогтоол гаргуулах гэж хүртэл хандаж байв. Тэрбээр энэ удаад тус барилгыг хүүхдийн эмнэлэг болгох санаачилга гаргаж байгаа аж. Тиймээс энэхүү саналаа дэмжихийг Ерөнхийлөгчид бичгээр илэрхийлжээ.