Төрийн үйлчилгээний цахим системд холбогдох үйлчилгээний жагсаалтыг баталлаа
Цахим системд төрийн 32 байгууллагын 167 үйлчилгээг багтаахаар тусгасан байна. Уг ажлыг төр, хувийн хэвшлийн түншлэлийн хэлбэрээр гүйцэтгүүлснээр улсын төсөвт ачаалал үүсэхгүй, хөрөнгө оруулалт шаардахгүйгээр төрийн үйлчилгээг цахимжуулах боломжтой гэж үзэж байна.
Мэдээллийн алба
Төрийн үйлчилгээний цахим системийг хөгжүүлэх ажлыг эрчимжүүлэх талаар Засгийн газрын ээлжит хуралдаанаар хэлэлцлээ. Тодруулбал уг цахим системийг хөгжүүлэх ажлыг эрчимжүүлэх ажлыг төр, хувийн хэвшлийн түншлэлийн хэлбэрээр гүйцэтгүүлэхийг Хөрөнгө оруулалтын газрын дарга С.Жавхланбаатар, Мэдээллийн технологи, шуудан, харилцаа холбооны газрын дарга Ц.Жадамбаа нарт даалгалаа.
Цахим системд төрийн 32 байгууллагын 167 үйлчилгээг багтаахаар тусгасан байна. Уг ажлыг төр, хувийн хэвшлийн түншлэлийн хэлбэрээр гүйцэтгүүлснээр улсын төсөвт ачаалал үүсэхгүй, хөрөнгө оруулалт шаардахгүйгээр төрийн үйлчилгээг цахимжуулах боломжтой гэж үзэж байна. Төрийн үйлчилгээий цахим систем нэвтрүүлснээр www.ezasag.mn цахим хуудсаар дамжуулан иргэд төрийн үйлчилгээг түргэн шуурхай, хүнд сурталгүйгээр хүртэх боломж бүрдэнэ.
