Төрийн өндөр албан тушаалтнууд хууль бусаар мод бэлтгэхэд тусалсан уу

Хууль хяналтын байгууллагаар шийдэгдээгүй хууль бус мод бэлтгэлтэй холбоотой хэргүүдийн ард төрийн өндөр албан тушаалтнууд байна гэж Иргэний нийгмийн байгууллагууд үзлээ. Хууль бус мод бэлтгэлтэй хэрхэн тэмцэх талаар салбарын яамны удирдлагууд өнөөдөр төрийн болон төрийн бус байгууллагуудын төлөөлөлтэй уулзсан юм. Энэ үеэр хууль бусаар мод бэлтгэсэн хэрэг гэхээр түлээний мод бэлтгээд баригдсан иргэдийн тухай л ярьдаг. Харин бизнесийн зорилгоор их хэмжээгээр мод бэлтгэсэн хэргүүдийн талаар огт авч хэлэлцдэггүй. Учир нь ийм хэргүүдийн ард төрийн өндөр албан тушаалтнууд байдаг болохоор шалгасан нэрээр хууль хяналтын байгууллагуудаас замхарч байна гэж Иргэний нийгмийн байгууллагынхан шүүмжиллээ.