Туркт төгссөн Монгол оюутнууд нийгэмлэгтэй болжээ

БНТУ-д их, дээд сургууль төгсөгчид хамтран “Туркт төгсөгчдийн хамтын ажиллагааны нийгэмлэг”-ийг байгуулан маргааш албан ёсны нээлтээ хийхээр болжээ. Албан бус тоогоор Турк улсад 1993 оноос хойш Монголын 3000 орчим оюутан залуус сурч төгссөн байдаг ажээ.

Турк улсад дээд боловсрол эзэмшсэн хүн бүхэнд нээлттэй энэ үйл ажиллагааны үеэр “Туркт төгсөгчдийн хамтын ажиллагааны нийгэмлэг”-ээс энэ онд хийх ажлууд, цаашдын зорилгоо танилцуулах юм. Мөн тус нийгэмлэгийн Ерөнхийлөгч, Монголын оюун ухааны академийн тэргүүн Х.Хатанбаатар “Тархиа үр дүнтэй ашиглая” сэдвээр илтгэл тавих аж.