Туршилтаар хүний үс ургуулжээ

АНУ, Их Британийн эрдэмтэд хамтран хүний үсийг лабораторийн нөхцөлд ургуулах боломжтойг нотолсон туршилт хийжээ. Туршилтад оролцсон долоон хүний үсний угийн эсүүдийг генетикийн ижил шинжийг нь хадгалахын тулд “3D spheroid” гэгчид бүлэглээд, дараа нь хулганын биед шилжүүлэн суулгасан хүний арьсанд тарьсан байна. Туршилтаар зургаан долоо хоногийн дараа долоогоос таван тохиолдолд нь үс ургасан байжээ. Харин уг туршилтыг практикт хэрэглэх талаар яригдаагүй байгаа аж.