Тусгай хамгаалалттай газар аялахдаа анхаарах зүйлс

Иргэн та Тусгай хамгаалалттай газар аялахдаа дараах зүйлсийг анхаараарай.

• Газар хагалах, мод, зэгс, шагшуурга, ховор эмийн ургамал, цэцэг түүж бэлтгэх зэргээр байгалийн төлөв байдлыг өөрчлөхгүй байх

• Ан амьтан агнах, барих, үргээх, тэдгээрийн үүр, ичээ, нүх хөндөх, эвдэж сүйтгэхгүй байх

• Батлагдсан аяллын маршрутын дагуу аялж, өөр зам жим үүсгэхгүй байх

• Зөвшөөрөгдсөн отоглох хоноглох бүсэд буудаллаж, буцахдаа үнс нурмыг гүйцэд унтарсан эсэхийг шалгаж, хог хаягдлаа зориулалтын цэгт хаях

• Та аялах явцдаа хөрс, ус, агаар бохирдуулах аливаа үйл ажиллагаа явуулах болон тухайн газрын хамгаалалтын захиргааны зөвшөөрөлгүйгээр нохой дагуулж, буу авч явахгүй байхыг анхаарна уу.

Эх сурвалж: БОАЖЯ