Тусгай зөвшөөрлийг нь цуцална

Улсын хэмжээнд ургамал хамгаалах хорт бодис оруулж ирэх зөвшөөрөлтэй 51 аж ахуй нэгж байдаг. Тэдний тал хувь нь хорт бодисоо хадгалах зориулалтын агуулах савгүй байгааг мэргэжлийн хяналтын ерөнхий газраас шалгалт хийж илрүүлжээ. Тиймээс тусгай зөвшөөрөл олгож байгаа Үйлдвэр хөдөө аж ахуйн яам, Байгаль орчин ногоон хөгжлийн яамдуудтай тус газар хамтарч ажиллах, зориулалтын агуулах савгүй газрын тусгай зөвшөөрлийг цуцлах талаар арга хэмжээ авахаар ярьж байна гэж МХЕГ-ын ургамал, хорио цээрийн улсын ахлах байцаагч н.Итгэл хэллээ.