Туул гол орчмын хог хаягдлыг цэвэрлэж байна

СХД-ийн Агаарын бохирдолтой тэмцэх тасаг, Онцгой байдлын хэлтэс, хороодын Засаг дарга, хог хаягдал, олон нийтийн байцаагч, төрийн бус байгууллагууд хамтран дүүргийн 20 дугаар хорооны нутаг дэвсгэр, Туул гол орчмын хогийг цэвэрлэлээ. Голын эрэг дагуу үүссэн хог хаягдлыг энэ долоо хоногт цэвэрлэж дуусгах юм.

Түүнчлэн Туул, Толгойт, Нарангийн гол, Бумбатын рашаан зэрэгт үүссэн хог хаягдлыг үе шаттайгаар цэвэрлэнэ. Иргэд та бүхэн голын эрэг дагуу амарч зугаалахдаа хог хаягдлаа зориулалтын хогийн цэг дээр хаяж хэвшихийг уриалж байна.