Төв автозамтай ойр цэгүүдэд агаарын бохирдол их байна

Энэ сарын 12-20-нд Улаанбаатар хот орчмын агаар дахь хүхэрлэг хий (SO2), азотын давхар исэл (NO2), том ширхэглэгт тоосонцор болон нарийн ширхэглэгт тоосонцрын хэмжээ зөвшөөрөгдөх дээд хэмжээнээс өндөр байжээ. Гэр хорооллоос бусад цэгт агаар "бага", "дунд" зэргийн бохирдолттой байсан тухай Агаарын чанарын албанаас мэдээллээ. Харин галлагаатай холбоотойгоор гэр хороолол болон төв автозамтай ойр цэгүүдэд агаар “их”, “маш их” бохирдолттой байжээ.