"UB robot challenge-2024" тэмцээнийг Монгол тэмүүлэл сургууль дээр зохион байгуулна

Өсвөр насны хүүхдүүдэд технологийн суурь мэдлэг олгох, инновацын соёлыг түгээн дэлгэрүүлэх, хүүхэд залуучуудын техник сэтгэлгээг хөгжүүлэхэд дэмжлэг үзүүлэх, техник технологийн дэвшилтэй танилцах, багаар ажиллах чадварыг нэмэгдүүлэх зорилгоор "UB robot challenge-2024" тэмцээн болно.

Энэхүү тэмцээн энэ сарын 21-ний өдөр “Монгол тэмүүлэл” сургууль дээр хоёр дахь жилдээ зохион байгуулна.

Тус тэмцээнд төрийн өмчийн болон төрийн бус өмчийн сургуулиудын 2-12 дугаар ангийн сурагчид, их дээд сургууль болон коллежийн оюутнууд, техник технологит сонирхолтой залуус оролцох боломжтой.