ҮБХИС-ийн төгсөгчид сургуульдаа ухаалаг дэлгэц өглөө
ҮБХИС-ийн Музейн мэдээллийн сан хөмрөгт зориулан 4,3 сая төгрөгийн үнэ бүхий ухаалаг дэлгэц (COR I7) өгчээ.
Мэдээллийн алба
Монгол Улсын Үндэсний батлан хамгаалахын их сургуулийн түүхт 100 жилийн ойг тохиолдуулан “Инженерийн цэргийн холбоо” төрийн бус байгууллага, “Цэргийн инженер, химийн тэнхим” болон “Инженерийн цэргийн команд, тактикийн офицер-Зам, гүүр, барилгын машин механизмын инженер” мэргэжлийн 1996, 2001 оны төгсөгчдөөс ҮБХИС-ийн Музейн мэдээллийн сан хөмрөгт зориулан 4,3 сая төгрөгийн үнэ бүхий ухаалаг дэлгэц (COR I7) өгчээ.
Тус үйл ажиллагаанд ҮБХИС-ийн захирал, бригадын генерал П.Жаргалан, сургалт, цэргийн алба хариуцсан тэргүүн дэд захирал Ө.Эрдэнэ-Очир, БХЭШХ-ийн “Цэргийн урлаг судлалын төв”-ийн дарга, хурандаа Б.Мөнхсайхан, “Инженерийн цэргийн холбоо” НҮТББ-ын тэргүүн, бэлтгэл дэд хурандаа Ё.Ариунболд, төгсөгчдийг төлөөлж 1996 оны төгсөгч бэлтгэл дэд хурандаа Б.Даваахүү, 2001 оны төгсөгч “Цэргийн инженер, химийн тэнхим”-ийн дарга, хурандаа Б.Мөнхбат нар оролцлоо.
“Соёмбо” сонин
