“Удирдах ур чадвар – хөгжил манлайлал” сэдэвт сургалтад амжилттай хамрагдсан алба хаагчдад гэрчилгээ гардууллаа

Цагдаа, дотоодын цэргийн байгууллагаас дэвшүүлсэн зорилтыг хэрэгжүүлэх зорилгоор Дотоодын цэргийн штабаас Үндэсний Батлан хамгаалахын их сургуультай хамтран анги, байгууллагын удирдах албан тушаалтны дунд "Удирдлагын ур чадвар-хөгжил манлайлал” сэдэвт сургалтыг 1 сарын хугацаатай зохион байгуулж, сургалтад хамрагдсан алба хаагчдад “Гэрчилгээ” гардуулах арга хэмжээг энэ сарын 09-ний өдөр зохион байгууллаа.

Энэхүү арга хэмжээнд Үндэсний Батлан хамгаалахын их сургуулийн Эрдэм шинжилгээ, нийгмийн түншлэлийн асуудал хариуцсан дэд захирал, хурандаа Б.Өлзийхуяг, Дотоодын цэргийн штабын орлогч, харуул хамгаалалтын хэлтсийн дарга, дэд хурандаа Б.Чинзориг, Захиргааны удирдлагын хэлтсийн дарга, хурандаа Д.Дугарсүрэн болон анги, байгууллагын удирдах бүрэлдэхүүн оролцсон юм.