Өдрийн цагаар од харах боломжтой боллоо

Манай улс Сансар од эрхэсийн ордон, музейтэй болсон тухай бид өмнө нь мэдээлсэн. Энэ музейд монгол хүн сансарт ниссэн түүх, хувцас хэрэглэл, тоног төхөөрөмжийг үзэж, сонирхох боломжтой юм.

Одоогоор ордон, музейг үзэх үнэ төлбөр нь тодорхойгүй байна. Одон орон судлалын төвөөс Боловсрол шинжлэх ухааны яамтай хамтран хүүхэд залууст аль болох хямд үнээр үзүүлнэ гэдгийг онцлосон юм. Мөн од эрхэс, нарны аймаг, нар сарны хиртэлтийг бодитоор харуулна гэж Одон орон геофизикийн судалгааны төвийн захирал н.Дэмбэрэл ярилаа.