Үер, усны аюулаас сэрэмжлүүлж байна
2016 оны наймдугаар сарын 29-ний өдрийн байдлаар Сэлэнгэ мөрөн Зүүнбүрэн сум орчимд усны түвшин өмнөх өдрүүдэд хоногт 5-10 см нэмэгдэж, үерийн түвшинг 10 см давсан байдалтай байна.
Мэдээллийн алба
2016 оны наймдугаар сарын 29-ний өдрийн байдлаар Сэлэнгэ мөрөн Зүүнбүрэн сум орчимд усны түвшин өмнөх өдрүүдэд хоногт 5-10 см нэмэгдэж, үерийн түвшинг 10 см давсан байдалтай байна. Мөн түүнчлэн Хөвсгөлийн уулсаас эхтэй Үүр голын усны түвшин буурч байгаа хэдий ч үерийн түвшинг давсан хэвээр байна.
Иймд дээр дурьдсан голуудын сав дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас байнга сонор сэрэмжтэй байж бага насны хүүхдийг хараа хяналтгүй гол руу явуулахгүй байхыг онцгойлон анхааруулж байна.
Ус Цаг Уур, Орчны Судалгаа, Мэдээллийн хүрээлэн
Ус судлалын сектор
2016.08.29
