Үерийн аюулаас сэрэмжлүүлж байна!

Есдүгээр сарын 10-ны өдрийн байдлаар Хангай нурууны арын Идэр, Хэнтий нурууны баруун хажуугийн Хараа гол Дархан хот орчимд усны түвшин өмнөх өдрөөс 5-10 см нэмэгдэж, олон жилийн дунджийг 5-25 см, Хөвсгөлийн уулсаас эхтэй Бэлтэс, Хэнтийн нурууны баруун хажуугийн Туул, зүүн хажуугийн Онон, Балж, Хэрлэн, Улз, Увс нуурын савын Хархираа, Чигж, Алтай нуруунаас усжих Ховд зэрэг голууд үерийн түвшинг 5-40 см даван үерлэж байна.

Иймд дээр дурьдсан гол мөрний сав дагуу суурьшиж, нутагшиж буй ард иргэд, аж ахуйн нэгж, аялаж, зугаалж яваа хүмүүсийг үерийн аюулаас сэрэмжтэй байхыг онцгойлон анхааруулж байна.

Ус, цаг уур, орчны судалгаа мэдээлэлийн хүрээлэнгийн
Гадаргын усны судалгааны хэлтэс