Үерийн аюулаас сэрэмжлүүлж байна!

Есдүгээр сарын 11-ний өдрийн байдлаар Хөвсгөлийн уулсаас эхтэй Үүр, Хангай нурууны өврийн Цагаантуруут, Хэнтий нурууны баруун хажуугийн Шарын гол, Алтай нуруунаас усжих Чонохарайх, Увс нуурын савын Баруунтуруун зэрэг голын усны түвшин өмнөх өдрийнхөөс 10-15 см нэмэгдэж, олон жилийн дундаж түвшинг 10-85 см, Бэлтэс, Онон, Балж, Хэрлэн, Улз, Хархираа, Чигж, Ховд гол Мянгад сум орчимд үерийн түвшинг 5-40 см даван тус тус үерлэж байна.

Иймд дээр дурьдсан гол мөрний сав дагуу суурьшиж, нутагшиж буй ард иргэд, аж ахуйн нэгж, аялаж, зугаалж яваа хүмүүсийг үерийн аюулаас урьдчилан сэргийлэхийг онцгойлон анхааруулж байна.

Ус, цаг уур, орчны судалгаа мэдээлэлийн хүрээлэнгийн
Гадаргын усны судалгааны хэлтэс