Үерийн аюулаас сэрэмжлүүлж байна!

Наймдугаар сарын 10-ны өдрийн байдлаар Хөвсгөлийн уулсаас эхтэй Эг, Дэлгэрмөрөн, Шишхэд, Хэнтий нурууны арын Улз мөн Орхон зэрэг голуудын усны түвшин өмнөх өдрийнхөөс 5-50 см нэмэгдэж Сэлэнгэ, Бэлтэс, Үүр, Бүгсий, Идэр, Хэрлэн, Онон, Байдраг, Халх, Хархираа, Ховд голууд үерийн түвшинг 5-60 см давсан байна.

Харин Орхон Дэлгэрмөрөн, Улз, голууд үерийн аюултай түвшинг 5-40 см даван хүчтэй үерлэж байна. Маргааш буюу 8-р сарын 11-ний өдөр Бэлтэс голын усны түвшин 10 см орчим нэмэгдэх төлөвтэй байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа хүмүүсийг үерийн аюулаас сэрэмжтэй байхыг онцгойлон анхааруулж байна.

Ус, цаг уур, орчны судалгаа мэдээлэлийн хүрээлэнгийн
Гадаргын усны судалгааны хэлтэс

2021-08-10